बिहेको पहिलो रातमा (भाग १)

कार्तिकको समय थियो ! म BBA को पढाइ सकेर भरखरै इन्सुरेन्स कम्पनी मा जब गर्न थालेको थिएँ! घरमा मेरो बिहेको कुरा धेरै अघि देखि चलिरहेको थियो ! हुन त उमेर पुगेको छोरी को स्वभाविक नै थियो !
 
धेरै ठाउँबाट मेरा लागि केटाको कुरा आएको थियो ! तर म अहिलेसम्म मौन बसेको थिएँ ! धेरै जनाले धेरै ठाउँबाट ल्याएको कुरा म इन्कार गर्दै आएको थिएँ !
पल्ला घरे रमेशको बुबाले फेरि मेरो लागि एउटा केटाको कुरा ल्याउनु भयो ! म भान्सामा खाना बनाउँदै थिएँ ! बुबा र माइला काका कुरा गर्दै हुनुहुन्थ्यो ! काका भन्दै हुनुहुन्थ्यो " केटो खानदानी परिवारको हो !भरखरै रसियाबाट डाक्टरी सकाएर आएको ! हाम्री छोरीलाई जो डा मिल्दो !हजुर हुन्छ भन्दिनुस पर्सि नै आउने कुरा छ !" बुबाले नाइ नास्ती नै गर्नु भएन !

पर्सिपल्ट घरमा मलाई हेर्न केटाको परिवार आउनु भयो ! केटाको नाम अतीत रहेछ ! उहाँले मलाई मन पराउनुभयो ,उहाँलाई बुबाले ! मेरो केही बिचार नै नसुनी हुन्छ भन्दिनु भयो ! सायद पहिला धेरै घरलाई मैले हुन्न भनेर होला ! निधो भयो मेरो बिहे मङ्सिर ७ गतेलाइ पक्का भयो !

बिहे धुमधामले सम्पन्न भयो ! बुबाआमालाइ खुसी मिल्यो ! एउटा कर्म पूरा गर्नु भयो ! छोरीलाई अरुको घरमा बिदा गर्नु पर्ने यो संसारको रित ! म खुब रोएँ दुई कारणले एक जन्म दिने आमाबुबाबाट टाढा हुनाले ,दुई मैले नचाहेको मान्छेसँग बिहे भएकाले ! रातको ११ बजेको थियो ,सबै हिन्दु परम्परा अनुसारको कर्म सकेर म सुन्त गएँ कोठामा ! बिहेको पहिलो रात थियो ,कोठा सजिसजाउ थियो ! फुलहरु बिच्छ्याइएका थिए ! अतीत कोठामा हुनुहुन्थ्यो ! म खाटमा गएर बसेँ , अतीत त्यहीँ बस्नुभएको थियो , अलि नजिक आउने कोसिस गर्नुभयो ! म अलि झस्किए झैँ भएँ , उहाँ जति मेरो नजिक आउनुहुन्थ्यो म त्यति टाढिँदै गएँ ! मेरो यस्तो ब्यवहारले उहाँ अचम्मित पर्नु भयो स्वभाविक थियो ! "केही भन्नू छ तिमी लाई ? " सोध्नु भयो !
भन्न त धेरै कुरा थियो तर आँट आइरहेको थिएन !
तैपनी दिल कठोर बनाएर भन्न खोजेँ ! "छ !"
"के हो भन न त नडराइ ,ज छ मनमा बोल !" म नजिक सरेर बोल्नुभयो !
म अलि अक्मक्किए झैँ गरि बोल्न सुरु गरेँ
"म .....
म....म अरु ..अरु कसैलाई प्रेम गर्छु !"

To be continued in next part !