प्रिय तिमी मेरी जीवन संगीनी (लेख )

प्रिय !💕
जब तिमी रातो सारिमा घुम्टो भित्र
लजाएकि हुनेछौ
नसोच्नु पराइ घर जान लागेँ भनेर
म तिमी लाई आफ्नो बनाएर राख्ने छु !

जब तिमी ले हरियो दुबो र सयपत्री फुल
मेरो गलामा पहिराइ रहेकी हुने छ्यौ
यो नसोच्नु तिमी लाई मैले मेरो बन्धनमा अङ्गालेँ भनेर
म तिमी लाई  आफ्नो बनाएर तिम्रो इच्छामा
जिवन दिने छु !

पराई घर पठाउन पनि दुनियाँले आशीर्वाद
दिए भनेर नसोच्नु
त्यो आशीर्वादलाई तिम्रो र मेरो जिवनको
हरेक पाइलाको सहयात्री बनाउने छु !

जब तिम्रो रङ्गिन सिउँदोमा म रातो सिन्दुर
भरिरहेको हुने छु यो नसोच्नु कि एक चिम्टी
सिन्दुरमा म अरु कसैको हुँदै छु
म तिम्रो जीवन त्यो सिउँदोको रातो
रङ्ग जस्तै बनाउने छु !

जब जग्गेमा हामी सँगै बाँच्ने कसम खाइ
रहेको हुने छौँ यो नसोच्नु कि
जीवन मेरो अरुको लागि कसम खाँदै छु
ती कसम तिम्रो जिन्दगीको लागि हुने छ्न !

अनि जब बिदा गर्दै गर्दा तिमी आँसुहरुको आलमा
आफ्न्तको काँधमा रोइरहेको हुने छौ
यो नसोच्नु कि जिन्दगीलाई छोड्दै छु
किनकी म तिम्री आमाले झैँ माया दिन , बाबाले झैँ बिश्वास गर्न र दाइ भाइले झैँ
सुरक्षा दिन प्रयास गर्ने छु !💕💕💕