त्यो रातमा (भाग १)

"के बाँचौँला खै माया के बाँचौँला खै
मुटु टुक्रा भै माया मुटु टुक्रा भै ..."

भरखरै निद्रा परेको थियो ! १०:४५ मा सुतेको थिएँ ! फेसबुक बन्द गरेर भरखरै निद्रामा डुबेको म लाई मोबाइलको रिङ्गटोनले ब्युँझाईदियो ! यो गित खुब मन पर्छ सयद मेरो जीवन कहानिसँग मिल्नाले नि हुन सक्छ ! पहिलो चोटि वास्तै गरिन , बारम्बार बजिरह्यो जुरुक्क उठेँ र आँखा मिच्दै उठेर टेबुलको मोबाईल तानेँ र ब्ल्यान्केट भित्र पसेँ !

मोबाइल हेरेँ रातको ११:५२ भएको रहेछ ! घन्टी बज्दै थियो ! "गुड्डु " नामबाट आएको रहेछ ! झस्काइदियो मलाई त्यो नामले ! उसको नाम सेभ गरेको थिएँ बर्षौँ अघि ! उठाउनै सकिन काटिदिएँ ! फेरि गरि गरि रहि ! मन नै कस्तो कस्तो बनाउँदै उठाएँ ! "हजुर!"
"ओइ पागल ! म तिम्रो गुड्डु बिर्स्यो जस्तो छ यो मान्छेले त !" उसको स्वरमा निद्रा मिसिएको थिएन , जोसिली भएर बोली !

राति फोन गर्ने मलाई मन पर्दैनथ्यो ! अलि रिसाउँदै बोलेँ "ह्याँ पापि किन फोन गरेको यो राति ? मान्छे भरखर सुतेको थियो ! डिस्ट्र्व गर्नु पर्छ है यो नाटकि लाई ? मैले त केही एमरजेन्सी होला भनेर उठाएको ! फोन काट ! सुतेँ म !"
"चुप लाग खुरुखुरु सुन मेरो कुरा सुत्न पर्या छैन अहिले नै कत्तिन ! आज केही कुरा भन्नू छ तिमीलाई  ! धेरै समयदेखी लुकाइराखेको कुरा आज खोल्नु छ मलाई त्यसैले फोन गरेको नि पागल मान्छे ! " आत्मबिश्वासका साथ बोली !

"अनि यति राती फोन गर्नु पर्छ त पागल्नी ! भोलि भनेको भए नि हुन्थ्यो नि !ल छिटो भन !" निद्रा लागेको थियो त्यसैले हतारिएँ ! ११:५९ भै सकेको थियो !
"म भन्छु त्यो कुरा नि..........
तर मलाई पहिला तिम्रो बिर्थ्डे विस गर्न देउ ! आज तिम्रो जन्मदिन याद छ पागल? आज चैत्र १३ गते ! तिमी रुंदा तिम्री आमा मुस्कुराएको दिन !
ह्याप्पी बर्थ्डे टु यु , ह्याप्पी बर्थ्डे टु यु आरव ! स्टे ह्यापी स्टेय ब्लेस्ड ! दिप झैँ बलिरहनु फुल झैं चम्किरहनु ,किप स्माइलिङ राजा !........

to be continue in next part