मोरो बाबानै मेरो मिल्ने साथी (Dad Is My Best Friend)

कोहि जिन्दगी हुन्छन्
कोहि साथी हुन्छन
कोहि सहयात्री हुन्छन् अनि
कोहि बाबा हुन्छन्
जो बेस्ट फ्रेन्ड हुन्छन् ,जो जिन्दगी हुन्छन् !
बाबा💞💞

खै कसरी लेखौँ म तिम्रो बारेमा
याद छ बाबा सानो छँदा म
कति किचकिच गर्ने गर्थेँ
यो चाहियो , यो किन्दिनु त्यो
किन्दिनु , यो मन पर्यो त्यो मन पर्यो
यहाँ जानू पर्यो त्यहाँ जानू पर्यो ,
बाबा तिमी नै पाउथेँ मैले यो सबको लागि
पिराउने ,किचकिच गर्ने अनि रिसाउने
तर अहँ तिमी लाई मेरा यी सब किचकिचले कहिल्यै झर्को लागेन
मलाई जे मन पर्यो त्यही किन्दियौ
मलाई जे खानु छ त्यही मिठास दियौ
मलाई जहाँ जानू छ त्यहीँ पुर्यायौ
शहनशिलता त कसैले तिमी सँग सिकोस बाबा !

जब म खुसी हुन्थेँ ,
ओठ तिम्रा मुस्कुराउँथे मेरो भन्दा पहिला
जब म दुखी हुन्थेँ ,
मन तिम्रो रुन्थे मेरो भन्दा पहिला
जब म गल्ती गर्थेँ ,
त्यो गल्ती तिमी आफ्नो बनाउँथ्यौ
जब म सफल हुन्थेँ ,
छाती गौरबले तिम्रो फुल्ने गर्थ्यो
अनि जब म पराजित हुन्थेँ ,
हौसला दिने तिमी हुन्थ्यौ सबिभन्दा पहिला ,
तिमी त बेस्ट फ्रेन्ड हौ नि त्यसैले
त हरेक पल मेरो साथ थियौ !

अझै याद छ बाबा ,
तिम्रा काखमा बसेर मैले संसार जित्ने सपना देखेको
अझै याद छ तिम्रो काँधमा बसेर
जुन तारा छुने रहर बुनेको
अनि अझै याद छ सानो छँदा
"fathers day " मा happy fathers day
लेखेको greetings दिएको
अनि त्यो पनि याद दशैंमा
"बाबा! बाबा! नाना, चाचा , चिची ,पैसा"गर्दै
तिम्रो पसिनामा रमाएको !

बाबा💕💞 दु:ख त तिमी लाई नि हुन्छ होला
पीडा त तिमी लाई पनि हुन्छ होला
मन त तिम्रो पनि दुख्छ होला नि है
अनि आँखामा आँसु त तिम्रो पनि आउँछ होला
तर अहँ कहिल्यै देखिन तिमी रोएको
कहिल्यै देखिन तिमिले मन दुखाएको
अनि यो पनि थाहा छ
यो सब तिमी ले किन गर्यौ
मेरो लागि
आफ्नो सन्तानको खुसीको लागि
त्यसैले Dad is my best friend💕